2017ko Udal Aurrekontuak herritarrek eztabaidatu eta zehazteko prozesua 2016ko udaberrian jarri genuen martxan. Uda aurretik herritarrek proposamenak egiteko aukera izan zuten bai gaikako eta auzoetako saioetan, bai internet bidez. 667 proposamen jaso ziren orotara. Ekainean, 667 proposamen horiek teknikarien eskuetan geratu ziren, eta proposamen bakoitzaren balorazio ekonomiko eta teknikoak egin zituzten.
225 proposamen geratu ziren aurrera egiteko (proposamen batzuk egitea aurreikusia zegoen, beste batzuk 500.000€ak gainditzen zituzten, batzuk ez ziren Udalaren eskumena, etab.), eta 92 proposamenetan sailkatu genituen hautako asko errepikatuak zeudelako edo antzekoak zirelako. Balorazio horien ondotik, irailean egindako 3 saio irekitan, herritarrek 92 proposamen horietatik 34 lehenetsi zituzten bi balorazio irizpideren baitan: (1) Aurreko urteetan proposamenik egin ez izana eremu horretan, eta (2) ingurumenari mesede egiten dioten proposamenak izatea.
Azkenik, 34 proposamen horietatik 10 hautatzeko aukera izan dute Hernanin erroldatutako 16 urtetik gorako herritarrek. Horretarako hiru modu izan dituzte: auzoetan (Portu, Florida – Etxeberri, Zikuñaga, Sorgintxulo, Kaxko, Karabel, Latsunbe Berri eta Lizeagan) egindako saioetan parte hartuz, udaleko web orrian jarritako galdetegia betez edota etxeetara bidalitako esku orrien bitartez.
Guztira 961 baliozko bozka jaso dira, 535 internet bidez eginak eta 501 buzoietan jaso ditugunak. 526 bozka emakumeek eginak dira, eta 435 gizonezkoek.
Ondorengo dokumentuan ageri da proposamen bakoitzak jaso duen puntuazioa; halaber, baita 2017ko Udal Aurrekontuan txertatuko diren proposamenak ere.
Txotx denboraldian, komun publiko bat gehiago jarri Plaza Berrin
Balorazioa ikusi
Parkeak konpontzeko diru partida handitu
Nerabe eta gaztetxoentzako kultur-aisialdi ekintza gehiago antolatu, Gaztelekuan egiten dena indartuz
Prozesu parte-hartzailea garatu sokadun parke baten ezaugarriak finkatzeko, 8 urtetik gorakoek bertan eskala dezaten
Ave Maria parkean haurrentzat jolasteko azpiegitura jarri (egurrezko laberintoak, arrapala txikiak…)
Hernani “Smart Herria” izateko neurriak hartu (gauean argiteria murriztu, argia erregulatzeko detektagailuak jarri…)
Zuhaitzak landatu orain falta diren txorto eta berdeguneetan (Antziola, Lizarraga, Txillida eta Txantxillan)
Programagailua jarri skate pista argiztatzen duen argiteria itzal dadin erabiltzeko ordutegia bukatzen denean
Kaxkoan, suteen prebentziorako detektagailuak erosi eta bizilagunen artean kontzientziazio kanpaina antolatu
Udal eraikin eta kaleetako argiteria LED teknologiara egokitzen jarraitzeko diru-partida handitu
Herriko hainbat gunetan ura edateko iturri gehiago jarri
Hondakinen lurpeko edukiontziak zeuden zuloetan zuhaitzak landatu
Zikuñaga auzoan Hiribusaren geltokian markesina jarri
Haur eskola eta Sagastialdetik Laiztiagara dagoen sarbidea hobetu
Pertsona helduentzat gimnasia ariketak egiteko makinak jarri Karabeleko parkean eta Politenan
Nerabe eta gazteei zuzendutako kirol jarduera anitzen ikastaroak antolatu (parkour-a, arrauna, eskalada, skate-a…)
17
Leoka labaderoa berritu eta atondu
Ikasle etorri berriei euskararen erabileran eta eskolako lanetan laguntza eskaintzeko programa martxan jarri
Zubipe futbol zelaiaren atzealdeko zelai-berdegunea aldatu
